ТАДБИРКОРЛАРГА СОЛИҚ ИМТИЁЗЛАРИ БЕРИЛАЯПТИ(МИ)?..

Сир эмас, мамлакатимизда ко­ронавирус пандемияси сабаб­ли жорий этилган карантин сабаб кўплаб тадбиркорлар иқтисодий қийинчиликларга дуч келмоқда. Тадбиркорлик субъектларини қўл­лаб-қувватлаш ҳамда иқтисодий барқарорликни таъминлаш мақса­дида Президентимизнинг бир нечта фармон ва қарорлари қабул қилинди.

Хўш, давлатимиз раҳ­барининг тегишли фармон ва қарорлари билан жорий этилган қатор имтиёзлар­дан вилоятимиз тадбир­корлари қандай фойда­ланишмоқда? Бу борада солиқ органи ходимлари уларга кўмакдош бўла­яптими?

 

– Бошқармамизга тад­биркорлардан солиқ тўлов­ларини кечиктириш бўйича 295 та мурожаат келиб туш­ган, – дейди вилоят давлат солиқ бошқармаси бўлим бошлиғи Турдимурод Абду­жабборов. – Мазкур муро­жаатлар ўрганиб чиқилиб, 26 млрд. сўмлик мулк, ер ва сув солиқларининг тўлов муддатлари 1 сентябрга қадар кечиктирилди ҳамда 141 та мурожаат Халқ депу­татлари вилоят Кенгаши то­монидан кўриб чиқилмоқда. Қолаверса, 2020 йил апрель ва май ойлари учун тўлани­ши лозим бўлган мол-мулк солиғидан 4,7 млрд. сўм, ер солиғидан 4,3 млрд. сўм солиқ суммалари ва шулар­нинг 0,6 млрд. сўм пеняла­ри ҳисобдан чиқарилди.

 

Шунингдек, кичик тад­биркорлик субъектлари ҳамда микрофирмалар­нинг 2020 йил 15 май ҳола­тига ер солиғи ва мол-мулк солиғи бўйича 2020 йил 1 январдан бошлаб ҳосил бўлган пеня ва жарима­лар суммалари бўйича 2 минг 600 дан ортиқ субъ­ектнинг 1,1 млрд. сўмлик ер ва мулк солиғига ҳисобланган пеня ва молиявий жарималар ҳисобдан чиқа­рилли. Бундан ташқари, мажбурий ижро бюросида ижрода турган 21,8 млрд. сўмлик солиқ идораси раҳбари қарорлари билан хатланган мол-мулкларни хатлови бекор қилинди ва 96,1 млрд. сўмлик иқти­содий судлар қарорлари ижросини 1 сентябрга қа­дар тўхтатишни сўраб, ил­тимосномалар киритилди.

Зуҳриддин РАҲМОНОВ

/Тошкент ҳақиқати/

2020-07-02T16:20:34+00:00