ЁШЛАР ОЙЛИГИ ДОИРАСИДА

БЎСТОНЛИҚ туманида “Leader building industries” масъулияти чекланган жамияти “Yoshlar – kelajagimiz” жамғармаси­нинг туман филиали ташаббуси билан имтиёзли кредит олиб, ўз фаолиятини бошлади.

Мазкур бетон ва бетон маҳсулотлари ишлаб чиқаришга мўл­жалланган корхонанинг очилишида туман ҳокими ва прокурори ҳамда ёшлар иштирок этишди. Корхона иш бошлаши билан тумандаги 34 нафар йигит-қиз доимий ишли бўлди.

 

Ўзбекистон ёшлар иттифоқи ЯНГИЙЎЛ шаҳар кенгаши, шаҳар ҳокимлиги ва Халқ қабулхонаси билан ҳамкорликда «Ҳоким ва ёшлар» учра­шувини ўтказди. Учрашувда 40 нафар ёшлар карантин қоидаларига қатъий риоя қилган ҳолда бевосита, 120 нафар ёш эса ZOOM дастури орқали иштирок этди.

Самимий руҳда ўтган учрашувда ёшлар ўзларини қизиқтираётган савол­ларга жавоб олишди. Мавжуд муаммолар ўрганилиб, ечим ва таклифлар кўриб чиқилди.

 

“МИСиС”нинг ОЛМАЛИҚ филиалида шаҳар ҳокими Усмон Раҳи­мов, “Олмалиқ кон-металлургия комбинати” АЖ бошқаруви раиси, сенатор Абдулла Хурсанов ҳамда ёшлар иштирокида бокс бўйича Ўзбекистон терма жамоаси аъзолари билан учрашув бўлиб ўтди.

Мазкур учрашувда бокс бўйича кўплаб мусобақалар ғолибла­ри, хусусан, Баҳодир Жалолов, Муроджон Аҳмадалиев, Исроил Мадримов, шунингдек, вилоятимиздан етишиб чиққан умидли боксчилар ёшларни қизиқтирган саволларга жавоб беришди.

Тадбир якунида ташкилотчилар томонидан боксчиларимизга эсдалик совғалари топширилди.

 

ПАРКЕНТ тумани сектор раҳбарлари ҳам ёшлар билан уч­рашди. Йиғилишда ёшларни қийнаб келаётган муаммоларга ечим изланди. Шунингдек, учрашувда битирувчи ёшларга тадбир­корлар томонидан икки томонлама манфаатли таклифлар берилди.

 

ЯНГИЙЎЛ тума­ни прокурорининг ёшлар билан учрашуви ахборот коммуникация технологияларидан фой­даланган ҳолда онлайн ўтказилди. Учрашувда ёшларнинг ҳуқуқ ва эркин­ликлари, қонуний манфаат­ларини амалда самарали таъминлаш борасида сўз юритилди. Бундан ташқа­ри, ёшларнинг ҳуқуқий маданиятини ошириш, улар ўртасида жи­ноятчиликнинг олдини олиш масалаларига алоҳида эътибор қа­ратилаётгани таъкидланди.

ЎЗБЕКИСТОН Қизил ярим ой жамияти ОҚҚЎРҒОН тумани бўлими Ёшлар иттифоқи туман кенгаши билан ҳамкор­ликда ўтказган «Кексаларга ижтимоий хизмат кўрсатишга ёшлар орасидан кўнгиллиларни кенг жалб қилиш» лойиҳасида кўнгилли сифатида беғараз хизмат қилган ёшлар рағбатлантирилиб, эсда­лик совғалари топширилди.

Шунингдек, тадбирда жамиятнинг туман бўлими раҳбари Муқаддас Оққулова карантин вақтида кўнгилли ёшлар ҳамроҳ­лигида нафақат кексалар ва нуронийлар, балки барча тоифадаги муҳтож оилаларга ҳам беғараз ёрдам кўрсатилганини таъкидлаб, бу каби лойиҳаларни кўпайтириш таклифини билдирди.

 

ТОШКЕНТ вилояти транспорт бошқармаси ходимларининг 23 фоизини ёшлар ташкил қилади. Уларнинг малакасини ошириш, шунингдек, қизиқишлари бўйича олий ўқув юртларига йўналтириш биринчи галдаги вазифадир. Бу ҳақда бошқармада бўлиб ўтган “Прокурор ва ёшлар” учрашувида гапирилди.

Бошқарма Ахборот хизматининг хабар беришича, эндиликда бошқармада 4-5 йилдан буён меҳнат қилаётган ёшларга янги ташкил этилган Транспорт университетига ўқишга киришлари учун йўлланмалар ажратилиши таъкидланди.

Шунингдек, учрашувда оилали ёш кадрларга имтиёзли асосда уй-жойлар ажратиш муаммоси ҳалигача ижобий ҳал этилмагани айтилди.

Йигит-қизларнинг саволларига Тошкент вилояти транспорт прокурори ёрдамчиси Садоқат Каримова жавоб қайтарди ва бар­ча масалаларни ижобий ҳал этиш учун таклифлар киритилишини маълум қилди.

2020-07-02T11:05:33+00:00